Бир вақтлар Москванинг «Локомотив» клуби бош мураббийи лавозимида ишлаган Юрий Сёмин бўлажак жаҳон чемпионатида қайси терма жамоага мухлислик қилиши ҳақидаги саволга жавоб берди.
«Ўзбеклар учун қайғураман ва уларни қўллаб-қувватлайман. Улар бизнинг энг яқин қўшниларимиз ва дўстларимиздир. Улар жаҳон чемпионатларида дебют қилишмоқда ва гуруҳдан чиқиш улар учун катта муваффақият бўлади», — дея экспертнинг сўзларидан иқтибос келтирмоқда «Спорт-Экспресс».
Ўзбекистон терма жамоаси мундиалнинг гуруҳ босқичида Португалия, ДР Конго ва Колумбия миллий жамоаларига қарши баҳс олиб боради.
Эслатиб ўтамиз, Жаҳон чемпионати 11 июндан 19 июлга қадар Шимолий Американинг учта давлати — АҚШ, Мексика ва Канадада бўлиб ўтади.
