«Ювентус» бош директори Дамьен Комолли жамоа бош мураббийи Лучано Спаллетти 2028 йилгача мўлжалланган янги шартномага имзо чекканидан сўнг ўз қувончини яшириб ўтирмади. Бу ҳақда Football Italia хабар бермоқда.
«Лучано бизнинг оиламизга қўшилганидан бери ўйинчиларимизга, бутун клубга ва «бьянконери»ларнинг барча жамиятига зудлик билан ва жуда ижобий таъсир кўрсатди. Лучано жамоани ўсиш йўлидан бошлаб борадиган айнан ўша инсон экани ҳаммага дарҳол аён бўлди», — деди Комолли.
Эслатиб ўтамиз, Спаллетти 2025 йил 30 октябрда Игор Тудорнинг ўрнини эгаллаб, «Ювентус» бошқарувини қўлга олган эди. Ҳозирда жамоа 31 ўйиндан сўнг 57 очко жамғарган ҳолда чемпионатда бешинчи ўринда бормоқда.
