«Бавария»нинг собиқ футболчиси Михаэль Баллак мюнхенликларнинг 18 ёшли ярим ҳимоячиси Леннарт Карлнинг жароҳатига муносабат билдирди.

Аввалроқ Германия гранди матбуот хизмати футболчида соннинг орқа мушаги чўзилиши ташхиси қўйилганини маълум қилган эди.

«Леннарт тахминан уч ҳафта майдонга туша олмайди. Бу мушак чўзилишига хос бўлган оддий ҳолат. Аниқ муддатни айтиш доим қийин, чунки бу жараён ҳар бир инсон организмида индивидуал кечади. Шунингдек, ҳаммаси жароҳат қандай олингани ва тикланиш қандай кечишига боғлиқ», — деди Баллак DAZN DE нашрига берган интервьюсида.

Жорий мавсумда Карл барча мусобақаларда жами 36 та ўйинда майдонга тушди, 9 та гол урди ва 7 та голли узатмани амалга оширди.