«Манчестер Юнайтед» бош мураббийи вазифасини вақтинча бажарувчи Майкл Кэррик жамоанинг доимий устози бўлиш учун асосий номзод бўлиб турибди. Бу ҳақда talkSPORT нашри маълумот тарқатди.
Манбанинг хабарига кўра, узоқ вақт давомида Англия терма жамоасининг амалдаги бош мураббийи Томас Тухель биринчи рақамли номзод деб ҳисобланаётган эди, бироқ у миллий жамоа билан меҳнат шартномасини узайтиришга қарор қилди.
Кэррик «Манчестер Юнайтед»ни жорий йилнинг январь ойида қабул қилиб олган эди. 31-турдан сўнг «қизил иблислар» Премьер-лига турнир жадвалида 55 очко билан учинчи ўринда боришмоқда.
Навбатдаги турда Кэррик шогирдлари ўз майдонларида «Лидс»ни қабул қилишади. Учрашув 13 апрель куни бўлиб ўтади.
