"Милан" мухлислари жамоа вингери Рафаэль Леаунинг ўйинидан норози эканликларини билдиришди.
Португалиялик футболчи "Удинезе"га қарши кечган уй учрашувида асосий таркибда майдонга тушди. У майдонда ўтказган 77 дақиқаси давомида рақиб дарвозасига 8 бор зарба берди, бироқ уларнинг бирортаси аниқ чиқмади. Бундан ташқари, Леау ҳакам томонидан сариқ карточка билан жазоланди.
Ўйиннинг 77-дақиқасида Рубен Лофтус-Чикка алмаштирилаётган вақтда стадионга йиғилган мухлислар футболчини ҳуштаклар билан кузатиб қўйишди.
Маълумот учун, Рафаэль Леау жорий мавсумда А Серияда 9 та гол урган ва у ҳозирда жамоанинг энг яхши тўпурари бўлиб турибди.
