«Ливерпуль»нинг 17 ёшли футболчиси Рио Нгумоҳа Премьер-лига доирасида «Фулхэм» устидан қозонилган ғалабадан (2:0) сўнг интервью берди.

Учрашувнинг 36-дақиқасида вундеркинд ҳисобни очган бўлса, 40-дақиқада Муҳаммад Салоҳ мезбонларнинг устунлигини икки баробарга оширди.

«Муҳаммад менга жуда кўп ёрдам берди — айниқса мавсумолди тайёргарлик жараёнида. Роббо (Эндрю Робертсон) эса ундан ҳам кўпроқ кўмак берди, чунки у чап қанот ҳимоячиси ва улкан тажрибага эга. У, эҳтимол, ўз позициясида тарихдаги энг яхшилардан бири бўлса керак. Салоҳ эса, назаримда, барча даврларнинг энг зўр вингеридир», — деди Нгумоха журналистлар билан суҳбатда.

Эслатиб ўтамиз, Муҳаммад Салоҳ ва Эндрю Робертсон жорий мавсум якунида эркин агент сифатида «Ливерпуль»ни тарк этишади.