«Бавария»нинг ҳужумкор ярим ҳимоячиси Жамал Мусиала клуб афсонаси Оливер Каннинг яқинда айтган фикрларига муносабат билдирди.
Машҳур собиқ дарвозабон Мюнхен клубининг амалдаги юлдузига оптимал спорт формасига кириб олишига эътибор қаратиш учун бўлажак жаҳон чемпионатида иштирок этишдан воз кечишни маслаҳат берган эди. 23 ёшли футболчи бундай қадам ташлашга тайёр эмаслигини маълум қилди.
«Йўқ, мен албатта жаҳон чемпионатига боришни хоҳлайман. Кан нима деганини ўқиганим йўқ, лекин ёзда бўлиб ўтадиган турнирда ўйнаш ниятидаман», — дея Мусиаланинг сўзларидан иқтибос келтиради The Touchline.
Эслатиб ўтамиз, ҳужумкор ярим ҳимоячи ўтган йилнинг июль ойидан бери майдонга тушишига тўсқинлик қилган болдир суяги синишидан сўнг шу йилнинг январь ойида тикланиб қайтган эди. Шанба куни футболчи «Бавария»нинг «Санкт-Паули» устидан қозонилган йирик ғалабасига (5:0) битта гол ва битта голли узатма билан ўз ҳиссасини қўшди.
