«Ливерпуль» бош мураббийи Арне Слот жамоасининг Чемпионлар лигаси ярим финалига чиқишига ишонмоқда. Чорак финалнинг дастлабки баҳсида мерсисайдликлар сафарда «ПСЖ»га 0:2 ҳисобида имкониятни бой беришган эди.
«Бир нарса аниқ: сешанба куни бизга мухлисларимиз керак. Парижда ҳам фанатларимиз бизни қўллаб-қувватлади, лекин у ерда бизга жуда қийин бўлди. «Энфилд» кўп бора жамоани бошқа даражага кўтара олишини исботлаган. Бу бизга яна керак. Футболчиларга қўллаб-қувватлов зарур, улар бу навбатдаги ўзига хос оқшом бўлишини ҳис қилишлари лозим», — деди Слот BBC Radio 5 Live нашрига берган интервьюсида.
«Ливерпуль» ва «ПСЖ» ўртасидаги жавоб учрашуви сешанба куни, 14 апрель санасида бўлиб ўтади. Ўйин Тошкент вақти билан соат 00:00 да бошланади.
