«Манчестер Сити» устози Хосеп Гвардиола жорий мавсумнинг дастлабки хулосаларини чиқарди.
Бугун «шаҳарликлар» Премьер-лига жадвалида «Арсенал» билан ўртадаги фарқни олти очкогача қисқартиришлари мумкин — бунинг учун Лондонда «Челси» устидан ғалаба қозониш талаб этилади. Кейинги турда эса «Сити» ўз майдонида «тўпчилар»ни қабул қилади.
«Бу мавсумда биз энг яхши даражамизда ўйин кўрсата олмаяпмиз, бироқ таркибимиз сезиларли даражада ўзгарди, кўплаб янги ўйинчилар келди — биз келажак учун жамоа қурмоқдамиз. Кейинчалик биз янада кучаямиз ва Премьер-лига чемпионлиги учун курашни давом эттирамиз», — деди Гвардиола матбуот анжуманида.
Миш-мишларга кўра, испаниялик мураббийнинг шартномаси кейинги мавсум охиригача амал қилса-да, у келаётган ёзда лавозимини тарк этиши мумкин.
