Мадриднинг «Реал» клуби марказий ҳимоячиси Рауль Асенсио бўлажак трансфер ойнасида сотилишга номзодлардан бири сифатида кўрилмоқда.

Defensa Central нашрига таяниб Transfer News Live берган хабарга кўра, «қироллик клуби» раҳбарияти, тарқалган миш-мишларга қарамай, 23 ёшли футболчини сотиш иштиёқида эмас. Шу билан бирга, агар ўйинчининг ўзи жамоадан кетишни сўраса, «қаймоқранглилар» келиб тушадиган таклифларни кўриб чиқишга тайёр. Айни дамда испаниялик ҳимоячига Саудия Арабистони чемпионати вакиллари қизиқиш билдирмоқда ва улар саховатли шартларни таклиф қилишга шай.

Transfermarkt портали Рауль Асенсионинг бозор қийматини 25 миллион еврога баҳолаган. Жорий мавсумда марказий ҳимоячи «Реал» сафида барча турнирларда 31 та ўйинда майдонга тушиб, 2 та гол ва 1 та голли узатмани амалга оширди.