ОАВ маълумотларига кўра, «Ювентус» ёзги трансфер ойнаси учун ўз мақсадларини белгилаб олди.
Асосий номзод сифатида «Манчестер Сити» аъзоси Бернарду Силва кўрилмоқда. Ярим ҳимоячи ёзда эркин агентга айланади. Шунингдек, Турин клуби «Барселона» ҳужумчиси Роберт Левандовски ва «Бавария» ярим ҳимоячиси Леон Горецка трансферларини ҳам кўриб чиқмоқда. Ушбу футболчиларнинг амалдаги шартномалари ҳам ёзда якунига етади.
Мазкур эҳтимолий трансферлар амалга ошишининг асосий шарти «Ювентус»нинг А Сериядаги натижаси бўлади. Агар туринликлар Чемпионлар лигасига йўлланма ололмасалар, бу келишувларни амалга ошириш анча қийинлашади. Юқорида номлари тилга олинган футболчилар Европанинг энг нуфузли клублар турнирида иштирок этишни исташади.
