«Реал» бош мураббийи Альваро Арбелоа Чемпионлар лигаси 1/4 финали доирасида «Бавария»га қарши бўлиб ўтадиган жавоб учрашуви олдидан ўз кутилмалари билан ўртоқлашди.
Мутахассис Германия клубини огоҳлантирди. Испаниялик мураббий мадридликлар ярим финал йўлланмасини шунчаки топшириб қўймаслигини таъкидлади.
«Бавария» ҳисобдаги устунлик ва ўз уйида ўйнаши сабабли фаворит эканлигига ишонмоқда. Аммо улар майдонда оқ либосли, думалоқ эмблемали жамоага қарши тўқнаш келишади ва ишончим комилки, биз муносиб қаршилик кўрсатамиз», — дея Арбелоанинг сўзларини келтирмоқда «Реал» расмий сайти.
Эслатиб ўтамиз, «Реал» ўз майдонида кечган илк баҳсда «Бавария»га 1:2 ҳисобида имкониятни бой берган эди. Учрашувда Луис Диас ҳисобни очган бўлса, Харри Кейн Германия грандининг устунлигини иккитага оширганди. Килиан Мбаппе эса битта жавоб голини уришга муваффақ бўлган.
