«Арсенал»нинг собиқ ҳужумчиси Тьерри Анри АПЛ 32-тури доирасида «тўпчилар»нинг ўз майдонида «Борнмут»дан учраган мағлубиятига муносабат билдирди. Учрашув 2:1 ҳисобида меҳмонларнинг ғалабаси билан якунланди.
«Юрагим парчаланди. Гап фақат мағлубиятда эмас, балки «Арсенал»нинг ёмон ўйин кўрсатганида. Бу жуда маҳзун ҳолат. Мен Артетанинг АПЛ титулини ютишини истайман ва буни уддалашига умид қиламан. Бироқ «Арсенал» футболчилари бу вазифани бажара олмасликларидан қўрқаман», — деди Анри.
Айни дамда «Арсенал» 70 очко жамғарган ҳолда АПЛ турнир жадвалида пешқадамлик қилмоқда ва «Манчестер Сити»дан 9 очко олдинда. Аммо «шаҳарликлар» ихтиёрида заҳирадаги яна 2 та ўйин мавжуд.
