Афсонавий собиқ футболчи Алан Ширер «Арсенал»нинг «Борнмут»дан учралган кутилмаган мағлубиятидан (1:2) сўнг жамоа ўйини ҳақида фикр билдирди. «Тўпчилар» Премьер-лиганинг 32-тури доирасида шанба куни бўлиб ўтган баҳсда ўз уйларида «олчалар»га имкониятни бой беришди.
«Арсенал»да умуман энергия кўринмади — «Борнмут» ғалабани кўпроқ хоҳлади. Бу хавотирли белги. Ҳеч қандай баҳона бўлиши мумкин эмас. Ғалабага кўпроқ интилган кучлироқ жамоа зафар қучди», — деди Ширер BBC студиясида.
Микель Артета жамоаси АПЛ жадвалида пешқадамлик қилмоқда ва «Манчестер Сити»дан тўққиз очко олдинда. Бироқ «шаҳарликлар»да иккита захира ўйини мавжуд. Бугун Хосеп Гвардиола шогирдлари Лондонда «Челси» билан тўқнаш келишади, навбатдаги турда эса ўз майдонларида «Арсенал»ни қабул қилишади.
