«Манчестер Сити» ярим ҳимоячиси Бернарду Силва мавсум якунланганидан сўнг эркин агентга айланади. «Шаҳарликлар» сардорига анчадан бери «Барселона» қизиқиш билдириб келаётган эди, бироқ энди «кўк-анорранглилар» Европанинг бошқа нуфузли клублари билан жиддий рақобатга киришишларига тўғри келади.

Инсайдер Николо Скиранинг маълумотларига кўра, португалиялик футболчини ўз сафига қўшиб олишни «Ювентус», «Галатасарай» ва «Бенфика» клублари истамоқда. Шунингдек, бу пойгада Саудия Арабистони чемпионати вакиллари ҳам иштирок этишмоқда.

Бернарду Силва 2017 йилдан буён «Манчестер Сити» шарафини ҳимоя қилиб келмоқда. Жорий мавсумда 31 ёшли хавбек Хосеп Гвардиола жамоаси сафида барча турнирларда 43 та ўйинда майдонга тушиб, 3 та гол ва 5 та голли узатмани ўз ҳисобига ёздириб қўйди.