Кеча, 11 апрель куни Лондоннинг «Арсенал» клуби Англия Премьер-лигасининг 32-турида кутилмаганда «Борнмут»га имкониятни бой берди (1:2). «Тўпчилар»нинг ушбу муваффақиятсизлигига машҳур британ журналисти Пирс Морган изоҳ берди.

Эксперт Микель Артета жамоасининг ушбу ўйиндаги сустлигидан норози. Статистик маълумотларга кўра, лондонликлар баҳс давомида 38 марта ўз дарвозабонларига пас беришган.

«Ўйиннинг катта қисмида мени эшитмайдиган футболчиларга қарата бор овозим билан "Олдинга!" деб бақирдим. Артета кимдир унга "қўл тормози"ни туширишни айтишини ёқтирмайди, лекин унга ўша лаънати "қўл тормози"ни тушириш вақти келди», — деб ёзди Морган ижтимоий тармоқлардаги саҳифасида.

Ҳозирда «Арсенал» 70 очко билан Англия чемпионати турнир жадвалида якка пешқадамлик қилмоқда. Агар «Манчестер Сити» бугун «Челси» устидан ғалаба қозонса, «шаҳарликлар» ва «тўпчилар» ўртасидаги фарқ 6 очкони ташкил этади.