«Реал Мадрид» президенти Флорентино Перес 50 ва 60 йил давомида клубга содиқ қолган аъзоларга эсдалик нишонларини топшириш маросимида клубни қўллаб-қувватловчи инсонларнинг бирдамлиги ҳақида гапирди.
«Мен доимо мадридликларнинг бирдамлиги — бизнинг энг катта кучимиз эканлигини айтиб келганман. Бугунги кунда «Реал Мадрид»нинг улкан оиласи ижтимоий тармоқларимиз орқали бир-бири билан боғланган 700 миллион кишидан иборат. Бу 700 миллион инсон мадридизмни барча чегаралардан ортиқроқ, универсал тушунча сифатида қабул қилади.
Келиб чиқиши, тили, урф-одатлари, дини ёки маданиятидан қатъи назар — уларнинг барчасида бир хил ҳис-туйғулар, қувонч ва орзулар мужассам. Уларни «Реал»га бўлган иштиёқ бирлаштиради. Уларни мана шу оиланинг бир қисми эканликлари бирлаштириб туради», — деди Перес.
