«Челси» Англия Премьер-лигасида кетма-кет учинчи ўйинда мағлубиятга учради.

Лиам Росеньор шогирдлари бугун 32-тур доирасида ўз майдонларида «Манчестер Сити»дан йирик ҳисобда (0:3) мағлуб бўлишди. Бунгача жамоа 21 март куни «Эвертон»га (0:3), 14 март куни эса «Ньюкасл»га (0:1) имкониятни бой берган эди.

Шунингдек, 11 мартдан бери лондонликлар ҳисобида Чемпионлар лигасида «ПСЖ»дан қабул қилинган иккита мағлубият (2:5 ва 0:3) ҳамда Англия Кубогида учинчи лига вакили «Порт Вейл» устидан қозонилган ғалаба (7:0) мавжуд.

18 апрель куни «Челси»ни «Манчестер Юнайтед»га қарши навбатдаги қийин баҳс кутмоқда.