«Борнмут» марказий ҳимоячиси Маркос Сенеси «Ювентус»га ўтишни истамади.
28 ёшли футболчининг «олчалар» билан тузган меҳнат шартномаси жорий мавсум якунида ўз ниҳоясига етади. Журналист Николо Скиранинг маълумотларига кўра, яқинда Сенеси «Ювентус»нинг таклифини рад этган, шунингдек, Дортмунднинг «Боруссия» клуби ҳам ундан рад жавобини олган. Манбага ишонилса, «кекса синьора» аргентиналик футболчига 2030 йил ўрталаригача мўлжалланган шартнома асосида йилига 3 миллион евро тўлашга тайёр бўлган, бироқ ўйинчини бундай шартлар қониқтирмаган.
Тахминларга кўра, Маркос Сенеси янги клубида йилига тахминан 5 миллион евро маош олиш ниятида. Шунингдек, унинг Премьер-лигада қолиш истаги борлиги ҳам маълум.
