Мадриднинг «Атлетико» клуби дарвозабони Ян Облак Чемпионлар лигаси 1/4 финали доирасида «Барселона»га қарши кечадиган жавоб учрашувида иштирок этиши мумкин.
Словениялик посбон жароҳатидан қутилган ва майдонга қайтишга тайёр, деб хабар бермоқда журналист Педро Фульяна. Диего Симеоне «кўк-анорранглилар» билан бўлажак баҳсда 33 ёшли дарвозабонни асосий таркибга киритиши кутилмоқда, бироқ якуний қарор ҳали қабул қилинмаган.
«Матрасчилар»нинг «Барселона» билан учрашуви 14 апрель куни Мадридда бўлиб ўтади. Ян Облак жамоасининг охирги олтита ўйинини, шу жумладан, каталонияликларга қарши кечган ва 2:0 ҳисобидаги ғалаба билан якунланган дастлабки баҳсни ҳам ўтказиб юборган эди.
