Миланнинг «Интер» клуби ярим ҳимоячиси Дензел Дюмфрис «Комо»га қарши ўйинда дубль қайд этиб, жамоасининг навбатдаги ғалабасини таъминлади. Рақобатчилар яна очко йўқотганига қарамай, у Скудетто масаласида хулоса чиқаришга шошилмаяпти.

«Голларимдан хурсандман, жамоага ёрдам бериш доим муҳим. Биз кучли жамоа устидан ғалаба қозондик ва мен бундан фахрланаман. Скудетто? Келинг, воқеалардан илгарилаб кетмайлик, биз ҳамон фақат навбатдаги ўйин ҳақида ўйлаяпмиз», — дея Дюмфриснинг сўзларини келтирмоқда fcinter1908.it.

Италия А Сериясининг навбатдаги турида «Интер» ўз майдонида «Кальяри»ни қабул қилади. Ушбу баҳс шу ҳафта жума куни, 17 апрелда бўлиб ўтади.