«Челси» ҳимоячиси Йоррель Хато жамоанинг жорий мавсумдаги натижалари ҳақида ўз фикрини билдирди.

«Кўклар» Премьер-лиганинг 32 туридан сўнг турнир жадвалида олтинчи ўринни эгаллаб турибди. Якшанба куни Лиам Росеньор шогирдлари ўз майдонида «Манчестер Сити»дан қақшатқич мағлубиятни (0:3) қабул қилиб олди.

«Биз бундай даражадаги клуб учун етарлича яхши ўйин кўрсатмаяпмиз. Бундай ҳолат юз бермаслиги керак, биз Чемпионлар лигасига йўлланма олишимиз шарт. Ўсишга эришишимиз лозим — иккинчи бўлим муваффақиятсиз чиқди. Сабаби нимада эканлигини билмайман.

Бизда ҳали Чемпионлар лигасига чиқиш учун имконият бор. Олдинда олтита ўйин кутиб турибди. Ушбу мағлубиятни унутиб, олдинга интилишимиз керак», — деди Хато Sky Sports нашрига берган интервьюсида.

Келаси шанба, 18 апрель куни «Челси» ўз уйида «Манчестер Юнайтед»га қарши майдонга тушади.