«Челси» бош мураббийи Лиам Росеньор ярим ҳимоячи Энцо Фернандеснинг таркибга қайтиши ҳақида тўхталиб ўтди.

Аргентиналик футболчи матбуотдаги баёнотлари сабабли клуб томонидан иккита ўйинга четлатилган эди. Якшанба куни «кўклар» ўз майдонларида асосий ярим ҳимоячисиз «Манчестер Сити»га имкониятни бой беришди (0:3).

«Ҳар қандай жамоа Энцони соғинган бўларди, аммо биз клубнинг узоқ муддатли манфаатларини кўзлаб ушбу қарорни қабул қилдик. Менинг Фернандес билан шахсий адоватим йўқ. У сешанба куни таркибга қайтади. Энцо — ажойиб футболчи, яхши йигит ва мен унинг қайтишини интиқлик билан кутяпман. Биз аллақачон гаплашиб олдик», — деди Росеньор «шаҳарликлар»дан учралган мағлубиятдан кейинги матбуот анжуманида.

18 апрель куни лондонликлар Премьер-лиганинг 33-тури доирасида ўз майдонларида «Манчестер Юнайтед»ни қабул қилишади.