«Челси» бош мураббийи Лиам Росеньор кейинги мавсумда ҳам клубдаги фаолиятини давом эттиришига шаъма қилди.
«Кўклар»нинг сўнгги ўйинлардаги қатор муваффақиятсиз натижаларидан сўнг мутахассиснинг келажаги шубҳа остида қолган эди. Якшанба куни лондонликлар ўз майдонида «Манчестер Сити»га имкониятни бой беришди (0:3). Мураббийнинг ўзи эса аллақачон ёзги трансферларни режалаштиришда иштирок этаётганини маълум қилди.
«Биз ёзги трансфер ойнаси ёпилганидан кейин таркибимиз қандай кўринишда бўлиши кераклиги борасида батафсил муҳокамалар ўтказдик», — дея журналист Фабрицио Романо Росеньорнинг сўзларини келтирмоқда.
Англиялик мутахассис жорий йилнинг январь ойида Энцо Маресканинг ўрнини эгаллаб, «Челси»да иш бошлаган эди. Жамоанинг амалдаги бошқарувчиси билан имзоланган шартнома 2032 йилгача мўлжалланган.
