«Барселона» ярим ҳимоячиси Марк Касадо Англия Премьер-лигасининг икки клуби қизиқишлари доирасига тушди.

Transfer News Live нашрининг Tuttomercatoга таяниб хабар беришича, 22 ёшли футболчини ўз сафига қўшиб олишга Лондоннинг «Тоттенхэм» ва «Вест Хэм» клублари қизиқиш билдирмоқда. Ҳар икки клуб фақат юқори дивизионда ўз ўрнини сақлаб қолган тақдирдагина испаниялик футболчи учун даъвогарлик қила олади.

Миш-мишларга кўра, Марк Касадо «Барселона»ни тарк этишга тайёр, чунки у бош мураббий Ханс-Дитер Фликнинг режаларига кирмаслигини тушуниб турибди. Transfermarkt портали томонидан 20 млн еврога баҳоланган ярим ҳимоячи учун бундан аввал Саудия Арабистони энг эҳтимолий йўналиш сифатида тилга олинган эди.

Айни дамда «шпорлар» АПЛ турнир жадвалида 18-ўринни, «болғачилар» эса 17-ўринни эгаллаб туришибди.