Италиянинг «Рома» клуби таркибни жиддий равишда қайта қуришга тайёргарлик кўрмоқда. Клуб раҳбарияти кейинги мавсумда «бўрилар»ни ким бошқаришидан қатъи назар, жамоани янгидан шакллантириш ниятида.
Corriere dello Sport нашрининг хабар беришича, шу ёзда «Рома»ни аниқ тарк этадиган 7 нафар футболчидан иборат рўйхат аллақачон тузиб бўлинган. Булар: Артём Довбик, Стефан Эль-Шаарави, Брайан Сарагоса, Лоренцо Вентурино, Эван Фергюсон, Костас Цимикас ва Зеки Челик.
Шунингдек, Пауло Дибала, Девайн Ренш, Анхелиньо ва Лоренцо Пеллегриниларнинг келажаги ҳам сўроқ остида қолмоқда. Молиявий қоидаларга риоя қилиш мақсадида клуб Куадио Коне ва Эван Ндикани сотиб юбориши мумкин — қайд этилишича, ушбу футболчиларга талаб жуда юқори.
