«Ливерпуль» спорт натижалари борасида унчалик яхши бўлмаган даврни бошдан кечирмоқда — жамоанинг чемпионатдаги ўйинлари кўнгилдагидек эмас, Чемпионлар лигасидан ҳам чиқиб кетиши мумкин.
Айнан шундай вазиятда клуб раҳбарияти абонементлар нархини оширишга қарор қилди. Ҳозирги 1000 фунтлик нархлар беш фоизга кўтарилиб, 1050 фунтни ташкил этади. Бироқ мухлислар бунга тайёр эмаслар ва ижтимоий тармоқларда ўз норозиликларини фаол равишда билдирмоқдалар.
2016 йилда ҳам «Ливерпуль» абонементлар нархини оширишга ҳаракат қилган эди — ўшанда бу шунчалик катта норозиликларга сабаб бўлгандики, натижада клуб раҳбарияти нархларни нақ саккиз йилга музлатиб қўйишга мажбур бўлганди.
