Франция терма жамоасининг собиқ футболчиси Патрис Эвра «Барселона»нинг Чемпионлар лигасида «Атлетико» тўсиғидан ўтиш имкониятлари йўқ деб ҳисоблайди. Сешанба куни жамоалар Мадридда жавоб учрашувини ўтказади.

«Улар Чемпионлар лигасида ғалаба қозонишдан кўра, навбатдаги қизил карточкани олишлари эҳтимоли юқорироқ. Сўнгги вақтларда четлатилишлар улар учун одатий ҳолга айланиб қолди. Мен Диего Симеоне ва унинг футболчиларига тўлиқ ишонаман. Улар — ҳақиқий жангчилар, улар яхши тайёргарлик кўришган ва «Барселона»ни тўхтатишга тайёр», — дея Эвранинг сўзларидан иқтибос келтиради Испаниянинг Sport нашри.

Эслатиб ўтамиз, ўтган ҳафтада «Барселона» ўз майдонида «Атлетико»га 0:2 ҳисобида имкониятни бой берган эди. Ўша ўйинда Хулиан Альварес ва Александр Сёрлот гол муаллифига айланишганди.