"Реал" ҳужумчиси Карим Бенземанинг агенти Карим Жазири ўз мижозининг "Арсенал"га ўтиши борасидаги хабарларни инкор қилди. Бу ҳақда агент Le Journal de Dimanche`га берган интервьюсида маълум қилган.
"Биз келишувга асосан ҳеч нарса қила олмаймиз, лекин Карим аниқ "Арсенал"га ўтмайди. Биз бу клуб билан ҳеч қачон алоқага ҳам чиқмаганмиз, музокаралар ҳам ўтказмаганмиз.
Бэйлнинг жамоага келишининг мижозимнинг келажагига умуман даҳли йўқ. Криштиану Роналду ва Бэйл Карим билан бирга ҳужум чизиғида тўп суришади.
Ҳозир унинг шартномасини узайтириш устида иш олиб бояпмиз. Музокаралар тинч ўтмоқда, қарор қабул қилиш учун аниқ вақтни ҳеч ким белгиламаган. Бензема фаолиятини "Реал"да якунлаши ҳам мумкин", деди агент.
Эслатиб ўтамиз, аввалроқ "Арсенал" ушбу ҳужумчи учун 40 миллион фунт тўлашга тайёр экани ҳақида хабарлар хориж ОАВ саҳифаларини безаганди.