«Манчестер Юнайтед» ярим ҳимоячиси Бруну Фернандеш АПЛ 32-туридан ўрин олган «Лидс»га қарши ўйинда (1:2) голли узатмани амалга оширди.

31 ёшли футболчи 69-дақиқада Каземиро томонидан киритилган голга ассистентлик қилди. Бу португалиялик футболчи учун Премьер-лиганинг жорий мавсумидаги 29 та ўйиндаги 17-голли узатма бўлди.

Аввалроқ, манкунианликлар сардори Дэвид Бекхэм томонидан 1999/2000 йилги мавсумда ўрнатилган «МЮ» футболчиларининг бир мавсумдаги голли узатмалар сони бўйича рекордини янгилаган эди.

Бруну АПЛнинг жорий мавсумида энг яхши ассистент бўлиб турибди. Унинг энг яқин таъқибчиси, «Манчестер Сити» аъзоси Райан Шерки ҳисобида 10 та голли узатма мавжуд.