«ПСЖ» клуби навбатдаги трансфер ойнасида дарвоза чизиғини кучайтириш ниятида ва «Брайтон» посбони Барт Вербрюггенга жиддий қизиқиш билдирмоқда, деб хабар беради Yahoo Canada Sports.
Манбанинг таъкидлашича, Люка Шевальенинг «ПСЖ»га трансфери ҳозирда муваффақиятсиз деб ҳисобланмоқда ва Париж клуби яқин вақт ичида вазиятни ўнглаши зарур.
Франциялик дарвозабоннинг жамоадан кетиши аллақачон муҳокама қилинмоқда, бироқ бу ҳолат Матвей Сафоновнинг фойдасига ишламайди. Россиялик посбон мавсумни яхши ўтказаётган бўлса-да, «ПСЖ» раҳбарияти уни узоқ муддатли асосий дарвозабон сифатида кўрмаяпти. Шу сабабли, клуб спорт директори Луиш Кампуш янги голкипер излаш билан банд.
Вербрюггеннинг «Брайтон» билан амалдаги шартномаси 2028 йилгача мўлжалланган.
