«Ливерпуль» бош мураббийи Арне Слот Чемпионлар лигаси чорак финалидан ўрин олган жавоб учрашуви олдидан «ПСЖ»нинг сермаҳсуллиги ҳақида гапириб ўтди.

— «ПСЖ» ўтказилган 45 та ўйиннинг фақат тўрттасида гол ура олмаган холос...

— Нима учун менинг кечамга путур етказмоқчисан? Биз буларнинг барчасини биламиз. Кейинги босқичга чиқиш учун фавқулодда ўйин кўрсатишимиз керак ва амалдаги чемпионларга қарши баҳсда бу кутилган ҳолат. Шунга қарамай, биз ижобий кайфиятда бўлишимиз, ўз ўйинимизга эътибор қаратишимиз, тажовузкорлик кўрсатишимиз ва биринчи голни уришимиз керак — буни яхши англаб турибмиз, — дея Слотнинг сўзларидан иқтибос келтиради L'Équipe нашри.

Эслатиб ўтамиз, Чемпионлар лигаси чорак финалининг илк баҳсида парижликлар 2:0 ҳисобида ғалаба қозонишган. Жавоб ўйини бугун, 14 апрель куни бўлиб ўтади.