«Реал» дарвозабони Тибо Куртуа мушак жароҳати сабабли қарийб бир ойдан бери клуб лазаретида қолмоқда. AS нашрининг хабар беришича, Куртуа майдонга май ойидан эрта қайтмайди.
Аввалроқ матбуотда, агар «Реал» Чемпионлар лигаси ярим финалига йўл олса, Куртуа апрель ойи охирида ушбу босқичда иштирок этиши мумкинлиги ҳақида хабарлар тарқалган эди. Бироқ жароҳатдан тикланиш учун кутилганидан кўпроқ вақт талаб этилмоқда.
Яқин вақт ичида «Реал» дарвозасини Андрей Лунин қўриқлашда давом этади. Чоршанба, 15 апрель куни «қаймоқранглилар» Чемпионлар лигаси 1/4 финали доирасида «Бавария» меҳмони бўлишади. Дастлабки ўйинда мадридликлар ўз уйларида 1:2 ҳисобида имкониятни бой беришган.
