Женнаро Гаттузо истеъфога чиққанидан сўнг, Италия терма жамоаси янги бош мураббий изламоқда. Football-Italia нашрининг хабар беришича, «скуадра адзурра»ни «Милан»нинг амалдаги устози Массимилиано Аллегри бошқариши мумкин.
Мутахассис номзодини Италия футбол федерацияси президентлигига сайланиши кутилаётган Жованни Малаго илгари сурмоқда. Функционер Аллегрини мамлакат терма жамоаси бош мураббийлиги учун идеал номзод деб ҳисоблайди.
Эслатиб ўтамиз, «скуадра адзурра» кетма-кет учинчи бор Жаҳон чемпионатига чиқа олмади. Ҳал қилувчи саралаш баҳсида Италия терма жамоаси Босния ва Герцеговинага пенальтилар сериясида имкониятни бой бериб қўйди.
