Англия терма жамоаси ва «Ливерпуль» клуби собиқ ҳимоячиси Жейми Каррагер Премьер-лига тарихидаги энг яхши марказий ярим ҳимоячилар рейтингини эълон қилди.
Daily Mail нашри берган маълумотларга кўра, рейтингнинг биринчи поғонасини «қизиллар»нинг афсонавий вакили Стивен Жеррард эгаллади. Иккинчи ўриндан «Манчестер Юнайтед» собиқ ярим ҳимоячиси ва сардори Рой Кин жой олди. Кучли учликни «Челси» ва «Манчестер Сити» собиқ хавбеки Кевин де Брюйне якунлаб берди.
Шунингдек, кучли ўнталикка қуйидаги футболчилар кирди: Патрик Виейра, Фрэнк Лэмпард, Н’Голо Канте, Пол Скоулз, Яя Туре, Родри Эрнандес ва Сеск Фабрегас.
Қайд этиш жоизки, юқорида номлари тилга олинган футболчилардан уч нафари — де Брюйне, Канте ва Родри ҳали ҳам фаолиятини давом эттирмоқда.
