Мадриднинг «Реал» клуби сафида тўп тепаётган франциялик ҳужумчи Киллиан Мбаппе «қироллик клуби»даги фаолияти ҳақида фикр билдирди.
«Ушбу жамоада ўйнаш — Худонинг марҳаматидек гап. "Реал" сафида тўп сурар экансан, сен дунёнинг энг буюк клуби рангларини ҳимоя қиласан ва энг сара ўйинларда иштирок этасан. Бу мени жуда бахтли қилади. Бу ерда менинг ўйиним янада яхшиланди», — дея ҳужумчининг сўзларини келтирмоқда Mundo Deportivo.
Эслатиб ўтамиз, чоршанба куни, 15 апрель (Тошкент вақти билан 16 апрелга ўтар кечаси) куни Мадрид гранди ЕЧЛ чорак финали доирасида сафарда Мюнхеннинг «Бавария» жамоасига қарши жавоб ўйинини ўтказади.
