Мадриднинг «Реал» клуби марказий ҳимоячиси Рауль Асенсио навбатдаги муҳим учрашувда «қаймоқранглилар»га ёрдам бера олмайди. Испаниялик футболчи ЕЧЛ чорак финали доирасида Мюнхеннинг «Бавария» жамоасига қарши кечадиган жавоб ўйини учун «қироллик клуби» қайдномасидан ўрин олмади.

Marca нашрининг хабар беришича, Асенсиога гастроэнтерит (ошқозон-ичак яллиғланиши) ташхиси қўйилган.

Жорий мавсумда 23 ёшли футболчи барча турнирларда 31 та ўйинда майдонга тушиб, ўз ҳисобига 2 та гол ва битта голли узатмани ёздириб қўйган эди.

«Реал» ва «Бавария» ўртасидаги жавоб учрашуви эртага, 15 апрель куни Германияда бўлиб ўтади.