«ПСЖ» футболчилари ва клуб президенти Носир Ал-Ҳелайфи «Хиллсборо» стадионида ҳалок бўлганлар хотирасига ҳурмат бажо келтиришди.
Машъум фожиа 1989 йил 15 апрель куни Англия Кубоги ярим финали доирасидаги «Ливерпуль» ва «Ноттингем Форест» ўртасидаги ўйинда юз берган эди. Тирбандлик ва босим натижасида мерсисайдликларнинг 97 нафар мухлиси ҳалок бўлган.
Чемпионлар Лигаси чорак финалидан ўрин олган «Энфилд»даги жавоб ўйини олдидан парижликлар ва Ал-Ҳелайфи фожиа қурбонларини ёд этиш билан бирга, ўтган йилнинг июль ойида ЙТҲ натижасида вафот этган Диогу Жота ва унинг акаси Андре Тейшейра да Силва хотирасига бағишланган мемориални ҳам зиёрат қилишди.

«Ливерпуль» ва «ПСЖ» ўртасидаги жавоб учрашуви бугун бўлиб ўтади ва Тошкент вақти билан тунги соат 00:00 да (15 апрелга ўтар кечаси) бошланади. Ўйин бошланишидан олдин «Хиллсборо» қурбонлари хотираси учун бир дақиқалик сукут сақланади, футболчилар эса майдонга мотам боғичлари билан тушиб келишади.













