«Борнмут» бош мураббийи ўз келажаги борасида муҳим қарор қабул қилди.

The Athletic нашрининг нуфузли журналисти Дэвид Орнштейн берган эксклюзив маълумотларга кўра, «Борнмут» устози Андони Ираола ушбу мавсум якунидан сўнг клубни тарк этишга қарор қилган.

Қайд этилишича, «олчалар» раҳбарияти 43 ёшли испаниялик мутахассисни клубда олиб қолиш учун қўлидан келган барча ишни қилган, бироқ у жамоадан кетиш борасида қатъий тўхтамга келган. Ҳозирда «Борнмут»да янги устоз излаш жараёни давом этмоқда. Ушбу лавозимга асосий номзодлар қаторида «Ипсвич»да фаолият юритаётган Киран Маккеннанинг исми тилга олинмоқда.

Эслатиб ўтамиз, Андони Ираола 2023 йилнинг июль ойида «Борнмут» бошқарувини қўлга олган эди. Ушбу давр мобайнида у барча турнирларда «олчалар» билан 121 та ўйин ўтказди (45 ғалаба, 35 дуранг ва 41 мағлубият).

Айни дамда унинг жамоаси АПЛнинг 32 туридан сўнг 45 очко билан турнир жадвалида 11-ўринни эгаллаб турибди.