«Бавария» жамоаси Чемпионлар Лигаси 1/4 финали доирасидаги «Реал»га қарши жавоб ўйинига тайёргарлик кўрмоқда. Мюнхенликлар дарвозабони Мануэль Нойер мадридликларнинг юлдуз ҳужумчилари — Килиан Мбаппе ва Винисиус Жуниорни алоҳида ажратиб кўрсатмасликни сўради.

«Мбаппе ва Винисиус? Гап фамилияларда эмас, балки биз учун, бутун клуб учун муҳим бўлган Чемпионлар Лигаси ўйини ҳақида кетмоқда. Биз "Реал"га қарши ўйнаяпмиз. Мен алоҳида футболчилар ҳақида ўйлаётганим йўқ.

Албатта, биз уларни таҳлил қилиб чиқдик, бироқ биз учун жамоа сифатида ўзимизнинг энг яхши футболимизни намойиш этиш муҳимроқ», — деди Нойер журналистларга.

«Бавария» чоршанба, 15 апрель куни «Реал»ни ўз майдонида қабул қилади. Биринчи учрашувда мюнхенликлар сафарда 2:1 ҳисобида зафар қучишган эди. Нойернинг тажрибаси ва хотиржамлиги эртанги баҳсда «Бавария» ҳимояси учун калит вазифасини ўташи кутилмоқда.

Ўйин Тошкент вақти билан 16 апрелга ўтар кечаси соат 00:00 да бошланади.