«Интер Майами»нинг эндиликда собиқ бош мураббийи Хавьер Маскерано Флорида клубини тарк этиш қарорига изоҳ берди.
«Мен шахсий сабабларга кўра клубдаги фаолиятимни якунлашга қарор қилдим», — дея мураббийнинг сўзларидан иқтибос келтирмоқда жамоа матбуот хизмати.
Хавьер жамоадан кетишининг батафсил тафсилотларига тўхталиб ўтиришни лозим топмади.
Эслатиб ўтамиз, ўтган мавсумда «Интер Майами» Маскерано қўл остида плей-офф финалига қадар етиб бориб, МЛСнинг энг яхши клубига айланган эди. Ҳал қилувчи баҳсда Канаданинг «Ванкувер Уайткэпс» жамоаси мағлуб этилганди (3:1).
Аргентиналик мутахассис «Интер Майами»ни 2025 йил бошидан то 2026 йил 14 апрелга қадар, қарийб бир ярим йил давомида бошқарди.
