Диего Симеоне қўл остидаги «Атлетико» Чемпионлар лигасида «Барселона» билан тўқнаш келган учта ҳолатнинг барчасида рақибини мусобақадан чиқариб юборишга муваффақ бўлди.

Жорий мавсумнинг чорак финалида каталонияликлар икки ўйин натижасига кўра мадридликларга 2:3 (0:2, 2:1) ҳисобида имкониятни бой беришди.

Шунингдек, «Атлетико» 2013/14 ва 2015/16 йилги мавсумларнинг чорак финал босқичида ҳам «Барса» тўсиғидан ўтишни уддалаган эди.

Маълумот учун, Диего Симеоне 2011 йилдан буён «Атлетико» клубини бошқариб келмоқда.