Мадриднинг «Атлетико» клуби президенти Энрике Сересо аргентиналик ҳужумчи Хулиан Альварес фақатгина унинг рухсати билан жамоани тарк этиши мумкинлигини маълум қилди. Эслатиб ўтамиз, футболчига Испания чемпионатининг бошқа бир гранди — Каталониянинг «Барселона» клуби даъвогарлик қилмоқда. Бироқ Альвареснинг «Атлетико» билан шартномаси 2030 йилга қадар мўлжалланган.
«Хулиан Альварес «Атлетико» футболчиси бўлиб қолади. У ҳали узоқ вақт давомида шу ерда бўлади. Мен бошқача қарор қабул қилмагунимча, у биз билан қолади», — дея Сересонинг сўзларини келтиради derbyderbyderby.it.
Таъкидлаш жоизки, иқтидорли ҳужумчи Мадрид клубига 2024 йилнинг ёзида Аргентина терма жамоаси сафида Жаҳон чемпиони сифатида келиб қўшилган эди. Шунингдек, унинг ҳисобида Америка кубогидаги иккита ғалаба ҳам мавжуд.
