Мадриднинг «Атлетико» клуби ҳужумчиси Антуан Гризманн жамоанинг Чемпионлар лигаси ярим финалига чиққанидан кейинги таассуротлари билан ўртоқлашди.

Сешанба куни «матрасчилар» ўз уйларида «кўк-анорранглилар»га имкониятни бой беришди (1:2), бироқ икки ўйин натижасига кўра (3:2) барибир кейинги босқичга йўл олишди. «Камп Ноу»да кечган дастлабки баҳсдаги 2:0 ҳисобидаги ғалаба ҳаммасини ҳал қилди.

«Мен жуда хурсандман. Бундай даражадаги ўйинларда иккита хато қимматга тушиши мумкин. Иккинчи вазиятда мен ўз позициямда бўлмадим ва тўпни йўқотдим. Кейинчалик мухлисларнинг қўллаб-қувватлаши ва маҳоратимиз эвазига гол уришга муваффақ бўлдик.

Кейинги босқичда кимга қарши ўйнашимизнинг аҳамияти йўқ. Энг муҳими — биз ҳали ҳам курашдамиз. Бугун жуда ажойиб ва жуда қийин ўйин бўлди, чунки биз жуда кучли ҳаракат қиладиган фантастик жамоага қарши тўп сурдик. Осон бўлмади, лекин биз уддаладик», – дея Гризманннинг сўзларини келтиради УЕФА.