Россия чемпионатининг олтинчи турида "Краснодар"га имкониятни бой берган (1:2) "Анжи" Премьер лиганинг ушбу мавсумидаги тўртинчи мағлубиятини тан олди. Аввалроқ, Махачқальаликлар "Зенит", "Ростов" ва "Динамо"га ютқазгандилар.

Клуб чемпионат давомида ҳали ғалаба қозонгани йўқ. Янги мураббий Гаджи Гаджиев ҳам иккита дуранг қайд эта олди, холос.

6 турдан сўнг "Анжи" турнир жадвалида 15-ўринни эгаллаб турибди.

Клубнинг ўтган мавсумнинг сўнгги ўйинини ҳам қўшиб ҳисоблаганда, жамоа Россия чемпионатида мана 7 ўйиндирки ғалаба нималигини билмаяпти.

Хабарингиз бор, ушбу жамоа сафида ҳамюртимиз Одил Аҳмедов тўп сурмоқда. Сўнгги ўйинда Аҳмедов биринчи тайм охирида урган голи билан "Анжи"ни ҳисобда олдинга олиб чиққан, аммо бунга иккинчи 45 дақиқаликда "Краснодар иккита гол билан жавоб берганди.