«Челси» ҳужумчиси Жесси Дерри шу ёзда жамоасини ўзгартириши мумкин. Футболчига АПЛга чиқиш арафасида турган «Ковентри» клуби даъвогарлик қилмоқда.
Фрэнк Лэмпард бошчилигидаги жамоа Чемпионшипнинг қолган тўртта ўйинида бор-йўғи бир очко жамғарса, юқори дивизион йўлланмасини нақд қилади.
Англиянинг 19 ёшгача бўлган терма жамоаси аъзоси ҳисобланган ёш ҳужумчи ўз фаолиятини «Кристал Пэлас» академиясида бошлаган. Унинг муваффақиятлари «Челси» эътиборини тортди ва Лондон клуби 2025 йилда у билан тўрт йиллик шартнома имзолади.
Talksport нашрининг ёзишича, «Ковентри» Деррини ижарага олишни истамоқда.
