«Chelsi» hujumchisi Jessi Derri shu yozda jamoasini o‘zgartirishi mumkin. Futbolchiga APLga chiqish arafasida turgan «Koventri» klubi da’vogarlik qilmoqda.
Frenk Lempard boshchiligidagi jamoa Chempionshipning qolgan to‘rtta o‘yinida bor-yo‘g‘i bir ochko jamg‘arsa, yuqori divizion yo‘llanmasini naqd qiladi.
Angliyaning 19 yoshgacha bo‘lgan terma jamoasi a’zosi hisoblangan yosh hujumchi o‘z faoliyatini «Kristal Pelas» akademiyasida boshlagan. Uning muvaffaqiyatlari «Chelsi» e’tiborini tortdi va London klubi 2025 yilda u bilan to‘rt yillik shartnoma imzoladi.
Talksport nashrining yozishicha, «Koventri» Derrini ijaraga olishni istamoqda.
