"Реал" ҳужумчиси Криштиану Роналду келажакда "Манчестер Юнайтед"га қайтиш истаги борлигини эълон қилди.
Португалиялик юлдуз The Guardian мухбири билан суҳбатда фаолиятини яна "МЮ"да давом эттириш борасида таклифларни кўриб чиқишга тайёр эканини билдирган.
Манбанинг алоҳида қайд этишича, Криштианунинг агенти Жорже Мендеш ҳамон "МЮ" собиқ бош мураббийи Сер Алекс Фергюсон билан илиқ муносабатларни сақлаб қолган.
"МЮ" Роналдуни шу ёздаёқ қайтариш масаласида бош қотирмоқда, аммо камида 2013/2014 йиллар мавсуми якунига қадар трансфер амалга ошмаслиги эҳтимоли жуда юқори.
Демак, "МЮ"нинг келаси йилги бош трансфер мақсади ойдинлашмоқда - Криштиану Роналдуни Манчестерга қайтариш ҳаракати.