"ПСЖ"нинг вингер Брэдли Барколя билан шартномани узайтириш бўйича музокаралари қийин кечмоқда. Бу ҳақда журналист Экрем Конур хабар бермоқда.
Манбанинг маълумотига кўра, парижликлар 23 ёшли франциялик футболчини таркибда сақлаб қолмоқчи. Бироқ, ўйинчининг иш ҳақи бўйича юқори талаблари асосий муаммога айланмоқда.
Жорий мавсумда Барколя барча мусобақаларда 39 та ўйинда иштирок этиб, 12 та гол урди ва 7 та голли узатмани амалга оширди. Унинг "ПСЖ" билан амалдаги шартномаси 2028 йилгача мўлжалланган. Transfermarkt портали ҳужумчининг нархини 70 миллион еврога баҳоламоқда.
