Лондоннинг "Тоттенхэм" клуби "Зенит" ҳужумчиси Халкни ҳарид қилиш юзасидан таклиф ҳозирламоқда, деб ёзади The Telegraph.
Инглиз клуби Бразилия терма жамоаси ҳужумчиси учун таҳминан 30 миллион фунт тўлашни таклиф қилмоқчи. Аммо бундай сумма "Зенит"ни зинҳор қониқтирмайди. Питерликлар Халкни сотиш орқали 40 миллион фунт даромад кўрмоқчилар.
Қайд этиш жоиз, Халк яна "Тоттенхэм" бош мураббийи Андре Виллаш-Боаш қўл остида тўп суришни хоҳлашини билдирган. Эслатиб ўтамиз, улар "Порту"да бирга ишлагандилар.